Мемлекеттік қосымшадағы ақау ма, әлде сынақ па: Қырғызстан президенттігіне үміткерлер тізімінен беймәлім есім табылды

Редакция
20 қараша 2026, 10:09 14
Мемлекеттік қосымшадағы ақау ма, әлде сынақ па: Қырғызстан президенттігіне үміткерлер тізімінен беймәлім есім табылды Сурет авторы: talapkerkoldoo.srs.kg

Қырғызстанда президент сайлауына электрондық қолтаңба жинауға арналған «Түндүк» мемлекеттік қосымшасында Солпиев Айбек Мелисович есімді ойдан шығарылған үміткер пайда болды. Елдің Орталық сайлау комиссиясы бұл жағдайды техникалық ақау кезінде экранға шығып кеткен сынақ жазбасы деп түсіндірді.

«Фантом кандидат» қайдан шықты?

2026 жылдың 18 қарашасында алдағы президенттік сайлауға дайындық аясында сайлау инфрақұрылымы мен ақпараттық жүйелерге жалпыреспубликалық тестілеу жүргізілді. «Қызмат» мемлекеттік мекемесі мен «Түндүк» техникалық операторларының хабарлауынша, тексеріс барысында сынақ үшін енгізілген жазбалардың бірі үміткерлерді қолдауға арналған электрондық қолтаңба жинау сервисінде қателесіп көрсетіліп кеткен.

Орталық сайлау комиссиясы техникалық қателіктің дер кезінде анықталып, жедел жойылғанын мәлімдеді. Ал «Түндүк» мамандары жүргізген қайта тексеріс ақаудың тек ақпаратты көрсету бөлігіне ғана қатысты болғанын растады - жүйенің жұмыс деректеріне, соның ішінде нақты үміткерлерге жиналған электрондық қолтаңбаларға ешқандай зақым келмеген.

Қырғызстан президенттігіне кімдер үміткер?

Елде президент лауазымына үміткерлерді ұсыну мерзімі 13 қарашада аяқталды. Басты саяси додаға түсуге 11 адам ниет білдірді:

  • Аймен Қасенов - кәсіпкер әрі қоғам қайраткері;

  • Азамат Есенбеков - Қырғызстан Қаржы министрінің бұрынғы көмекшісі;

  • Сыймық Жапыкеев - ҰҚМК тергеу басқармасының бұрынғы прокуроры;

  • Ақай Қадыров - кәсіпкер;

  • Исхак Масалиев - Қырғызстан парламентінің бұрынғы депутат;

  • Садыр Жапаров - Қырғызстанның қазіргі президенті;

  • Бактыбек Қалмаматов  - Қырғызстан парламентінің бұрынғы депутат;

  • Бактыбек Әділов - Үкімет жанындағы Мемлекеттік көші-қон қызметінің бұрынғы басшысы;

  • Амур Айба Медер - бизнесмен;

  • Мәмбетжүніс Әбілов - Қырғызстан ОСК-ның бұрынғы басшысы, Төтенше жағдайлар және азаматтық қорғаныс экс-министрі;

  • Клара Сооронқұлова - Жоғарғы соттың Конституциялық палатасының экс-соты.

Еске салайық, Қырғызстан тұрғындарына президент сайлауында екі рет дауыс беру мүмкіндігі беріліп отыр: алғашқысы 2026 жылдың 18 қарашасында сынақ түрінде өтсе, нағыз мемлекет басшысын сайлау 2027 жылдың 27 қаңтарына белгіленген.