Астана әуежайында ұшақ тұрағы 20 есе қымбаттауы мүмкін

Редакция
20 қараша 2026, 10:48 14
Астана әуежайында ұшақ тұрағы 20 есе қымбаттауы мүмкін Сурет авторы: depositphotos.com

Астана халықаралық әуежайында ұшақтардың тұрақтау құны жиырма еседен астам қымбаттауы мүмкін, деп хабарлайды inbusiness.kz. Азаматтық авиация комитетінің сайтында жарияланған жария тыңдау хаттамасына сәйкес, елордалық әуе айлағы әуе кемелерін базирлеу тарифін күрт көтеруді ұсынып отыр.

Әуежай басшылығы ұшақтың ең жоғары ұшу салмағының әр тоннасына шаққандағы тәуліктік төлемді қазіргі 72,05 теңгеден 1 473,74 теңгеге дейін көтеруді сұраған.

Мұндай күрт қадамға барудың басты себебі - қызметтің тиімсіздігі мен орасан зор шығындар:

  • 2025 жылы әуежайдың осы қызметтен тапқан табысы небәрі 22,6 миллион теңгені құраған;

  • Ал жұмсалған шығын көлемі 549 миллион теңгеге жеткен;

  • Нәтижесінде таза шығын 526 миллион теңгеден асып кеткен.

Алайда ірі әуе тасымалдаушы Air Astana әуежай ұсынған бұл есептеулерді негізсіз деп санайды. Компания өкілдері тарифтің жиырма есеге жуық өсуі болашақта маршруттық желіні дамытуға кері әсерін тигізіп, жаңа бағыттардың ашылуына кедергі келтіруі мүмкін деп қауіптенеді.

Енді соңғы сөзді Азаматтық авиация комитеті айтады. Ведомство әуежайдың өтінімін жан-жақты қарастырғаннан кейін түпкілікті шешім қабылдайды, бұл үдеріс 90 жұмыс күніне дейін созылуы мүмкін.