ҚазҰУ-дағы қаза тапқан студент қызға қатысты тергеу басталды

Редакция
20 қараша 2026, 12:01 13
ҚазҰУ-дағы қаза тапқан студент қызға қатысты тергеу басталды Сурет авторы: Abai.kz

Әлеуметтік желілерде Алматыдағы жоғары оқу орындарының бірінде болған жаңа оқиға туралы ақпарат тарады. Желі қолданушыларының мәліметінше, студент қыз өзіне дене жарақатын келтірген.

Алматы қаласы Полиция департаментінің баспасөз қызметі оқиға фактісін растады, алайда оқу орнының атауын нақтыламады.

Алдын ала мәлімет бойынша, студент қыз өзіне жеңіл дене жарақатын салған. Оған медициналық көмек көрсетілген.

Аталған дерек бойынша сотқа дейінгі тергеу басталды. Қазіргі уақытта оқиғаның барлық мән-жайы анықталып жатыр.

Заңгер Мейірман Шекеевтің айтуынша, қыздың өзіне қол жұмсауға әрекет жасағаны болжануда.

Еске сала кетейік, қараша айының басынан бері әл-Фараби атындағы Қазақ ұлттық университетінде екі қайғылы жағдай тіркелген. 6 қарашада журналистика факультетінің бірінші курс студенті көз жұмса, 16 қарашада география және табиғатты пайдалану факультетінің бірінші курс студентінің қайтыс болғаны расталды. Екі жағдай бойынша да полиция қылмыстық іс қозғады, ал екінші оқиғаға байланысты күдікті ұсталды.

Осы оқиғалардан кейін Ғылым және жоғары білім министрлігі университетке кешенді тексеру жүргізілетінін хабарлады.

 

Баман Ислам