Қазақстанда алаяқтық жасады деген күдікпен Оңтүстік Кореяның 14 азаматы ұсталды. Бұл туралы Ұлттық қауіпсіздік комитетінің баспасөз қызметі хабарлады.
Комитет мәліметінше, күдіктілер қылмыс жасау үшін телекоммуникациялық жүйелерді пайдаланған. Олардың тұрғылықты жерлерін тінту кезінде компьютерлік техника, ұялы телефондар мен ноутбуктер табылған.
Оңтүстік Кореяның құқық қорғау органдары бұл адамдарға қатысты ұйымдасқан қылмыстық топ құрамында телекоммуникациялық жүйелер арқылы алаяқтық жасады деген күдікпен қылмыстық іс тергеп жатыр.
Ұсталғандар уақытша ұстау орнына жеткізілді. Тиісті рәсімдер аяқталғаннан кейін оларды елден шығару жоспарланған.