Түркістан облысы Шардара ауданында туған ұлы ұрып-соққан қарияның мәйіті қайта қазылды.
Ақсақал биыл 3 қыркүйекте көз жұмған. Ол тірі кезінде жүрек гипертензиясы мен омыртқа остеохондрозы диагнозымен дәрігерлердің бақылауында болған. Бірақ алған жарақатына байланысты медициналық көмекке жүгінбеген.
Қазір марқұмның денесіне сот-медициналық сараптама тағайындалды. Тергеу барысында қарияның өліміне ұлының қатысы бар-жоғы анықталатын болады.