Президент Қасым-Жомарт Тоқаев Вице-Президент Ерлан Қаринді қабылдап, оның алдына бірқатар нақты міндет қойды. Бұл туралы Ақорда хабарлады.
Мемлекет басшысы Вице-Президент лауазымы Қазақстан Конституциясымен бекітілгенін және мемлекеттік басқару жүйесінде ерекше мәнге ие екенін атап өтті.
Тоқаев Ерлан Қаринге Құрылтаймен, Үкіметпен және басқа да мемлекеттік органдармен өзара іс-қимыл барысында Президент атынан өкілдік етуді тапсырды.
Сондай-ақ Вице-Президент мемлекеттік саясаттың негізгі мәселелері бойынша Мемлекет басшысының ұстанымын жеткізуі тиіс.