Дулат Абдраманов
3 қараша 2025 жылы Астана уақытымен 01:29-да Шымкент пен Түркістан облысының тұрғындары жер сілкінісін сезді. Бұл туралы ТЖМ «Ұлттық сейсмикалық бақылау орталығы» хабарлады.
Сейсмикалық станциялар дерегіне сүйенсек, дүмпудің сезілу күші 2 балл мөлшерінде болған.
Жерасты дүмпуінің эпицентрі Алматыдан 1079 шақырым қашықтықта, Ауғанстан аумағында тіркелді.
Ауғанстан билігінің мәліметінше, жойқын жер сілкінісі салдарынан 7 адам қаза тауып, 150-ден аса адам жарақат алған. Ондаған нысан қираған, кей ғимараттар толықтай жермен-жексен болған. Ал жүздеген үйде қабырға жарылып, қасбеттері үгітілген.