Қазақстанның оңтүстігінде жер сілкінісі болды

ҚР ТЖМ «Сейсмологиялық тәжірибелік-әдістемелік орталығының» мәліметінше, жер сілкінісінің сезілу күші 4 баллға дейін жеткен.

Жер асты дүмпулері Қырғызстан аумағында, Алматыдан оңтүстік-батысқа қарай 465 шақырым қашықтықта тіркелді.

Дүмпулерді Жамбыл және Түркістан облыстарының тұрғындары сезінді:
 Тараз, Сарыкемер және Жуалы ауданының (Бауыржан Момышұлы ауылы) тұрғындары – 4 балл шамасында
 Ленгер, Қаратау, Сайрам және Шымкент қаласында – шамамен 3 балл
 Жаңатас, Сарыағаш, Түркістан және Жетісай қалаларында – шамамен 2 балл

Қираулар мен зардап шеккендер туралы ақпарат түскен жоқ.

ҚР ТЖМ-нің Командалық орталығы, сондай-ақ Жамбыл және Түркістан облыстары мен Шымкент қаласының ТЖ департаменттері базасында жедел штаб құрылды.