Қазақстандық тау шаңғышысы Александра Скороходова Италияда өткен халықаралық турнирде алтын медаль иеленді. Бұл туралы Қазақстан Ұлттық Олимпиадалық комитетінің (ҰОК) баспасөз қызметі хабарлады.
«Қазақстандық Александра Скороходова Италияның Поцца-ди-Фасса қаласында тау шаңғысы спортынан өткен халықаралық FIS турнирінің жеңімпазы атанды. Отандасымыз әйелдер арасындағы слалом жарысында алтын медальды жеңіп алды. Скороходова мәре сызығын 01:39.67 нәтижесімен қиып өтті», - делінген ресми хабарламада.
Жарыс қорытындысы бойынша:
- 1-орын: Александра Скороходова (Қазақстан)
- 2-орын: Джун Гаритано Итурбе (Испания)
- 3-орын: Эмма Гуггенхаймер (АҚШ)