Еуро-2024 футбол додасында сенсациялық жағдай орын алды. 3-тур аясында Англия-Словения футбол құрамалары арасында ойын өтті. Ойын тең нәтижемен аяқталып, қос ұлттық құрама плэй-офф ойындарына жолдама алды, деп хабарлайды Sport.kz.
Ойын Германияның Кёльн қаласындағы «Райн-Энерги» стадионында өтті.
С тобында көш бастаған ағылшындар топтан оңай шықты. 3 турдың нәтижесі бойынша Дания мен Словения құралмаларының ұпайы тең. UEFA-ның ресми сайтына көз жүгіртсек, Данияның топтан екінші орынмен шыққанын аңғаруға болады. Словения Instagram әлеуметтік желісінде “Біз үйге қайтпаймыз, алда плэй-офф ойындары”, – деп, бөріктерін көкке лақтырып қуануда.
Айта кететін жайт, Словенияның Еуро-24 турнирінің іріктеу кезеңіндегі шешуші ойыны Қазақстан ұлттық құрамасына қарсы өткен. Ойын нәтижесі бойынша ойында отандық құрама 1:2 есебімен жеңіліп, аталмыш турнирдің топтық ойындарына жолдама ала алмады.
Футбол сарапшыларының пайымдауынша, топтағы басты фаворит- ағылшындар. Ойын өрнегі бойынша ағылшындар қарсыласынан басым түскен. Ойынның жиырмасыншы минутында Букайо Саканың голы есепке алынбай, қос команда тең тарқасты.
Рахат Жора