Қазақстан Қытайға 1,5 мың киік сыйға тартпақ. Бұл туралы Ақорда баспасөз қызметі хабарлады.
– Қазақстан Президенті Қасым-Жомарт Тоқаев Қытай үкіметіне Батыс Қытайда киік популяциясын қалпына келтіру мақсатында 1,5 мың бас киік сыйға тарту жөнінде шешім қабылдады, – делінген хабарламада.
Мемлекет басшысының бұл бастамасына ҚХР Төрағасы Си Цзиньпин алғыс білдіріп, Қытай тарапы киіктердің санын қайта қалпына келтіру бағытында жұмыс жүргізіп жатқанын атап өтті.