Қазақстанда сотталғандарды жазадан босатуға негіз болатын аурулар тізімі кеңеюі мүмкін. Тиісті құжат жобасы «Ашық НҚА» порталында жарияланды.
Денсаулық сақтау министрлігінің хабарлауынша, құжат сотталғандар арасындағы өлім-жітімді азайту және ауыр науқастардың денсаулығын сақтау мақсатында әзірленген.
Жазадан босатуға негіз болатын аурулардың қатарына мына дерт түрлері қосылмақ:
-
бауыр циррозы;
-
созылмалы бүйрек ауруы;
-
ауыр дәрежедегі созылмалы өкпе ауруы;
-
гормонға тәуелді аурулар.
Министрлік құжат жобасы 2025 жылғы 5 қыркүйекке дейін қоғамдық талқылауға шығарылғанын хабарлады.