Дулат Абдраманов
АҚШ президенті Дональд Трамп пен Қытай төрағасы Си Цзиньпин Оңтүстік Кореяның Бусан қаласындағы Гимхэ әскери әуебазасында өткен келіссөзді аяқтады. Бұл - екі ел көшбасшыларының алты жылдан кейінгі алғашқы бетпе-бет кездесуі.
Кездесуден кейін Трамп журналистерге Air Force One бортында сұхбат беріп, “Бұл — керемет кездесу болды. Ол (Си Цзиньпин) ұлы көшбасшы. Біз көптеген маңызды мәселе бойынша ортақ шешімге келдік, жақын уақытта егжей-тегжейін жариялаймыз” деді.
BBC тілшілерінің хабарлауынша, келіссөз шамамен бір жарым сағатқа созылған. Әзірге нақты келісімдердің мазмұны жарияланған жоқ.
Кездесу барысында тараптар сауда қатынастары, тариф саясаты және сирек кездесетін металдар нарығындағы шектеулерді талқылаған. Сарапшылар бұл кездесу АҚШ пен Қытай арасындағы экономикалық шиеленісті бәсеңдетуі мүмкін деп бағалап отыр.