Астана қалалық әкімдігі елорда тұрғындары мен қонақтарын жол қозғалысындағы уақытша шектеулер туралы ескертті. Кравцова көшесінің бір бөлігінде жол жабынына орташа жөндеу жүргізіледі.
Жол төсемін орташа жөндеу жұмыстарына байланысты 29 маусым мен 5 шілде аралығында А. Кравцова көшесінің бойындағы көлік қозғалысына уақытша шектеулер енгізіледі.
Жол толық жабылмайды. Көліктер екі бағытта да жолдың бір жағымен жүре алады.
Әкімдік өкілдері жүргізушілерден жол қауіпсіздігін сақтап, уақытша орнатылған белгілер мен көрсеткіштерге назар аударуды сұрайды. Кептеліс пен қолайсыздықты болдырмау үшін маршруттарыңызды алдын ала жоспарлап алған жөн.