Астана қаласының тұрғыны 10 жыл бойы қос азаматтығы болып, Қазақстан мен Ресейден зейнетақы алып келген. Бұл туралы елорда прокуратурасы хабарлады.
"ТМД-ға мүше мемлекеттер арасындағы келісімге сәйкес, бір мемлекеттен екіншісіне қоныс аударған жағдайда, бұрынғы тұрғылықты жері бойынша зейнетақы төлеу тоқтатылады. Зейнетақы төлемдері келісімге қатысушы екі мемлекетте бір уақытта тағайындалмайды," – деп еске салды қадағалау органының өкілдері.
Сот шешімімен зейнеткерден заңсыз алынған 8,9 миллион теңге көлеміндегі зейнетақы қаражаты өндіріп алынды.