Қазақстан Президенті, Қарулы Күштердің Жоғарғы Бас Қолбасшысы Қасым-Жомарт Тоқаев Әуе қорғанысы күштеріндегі және Қорғаныс министрлігіндегі бірқатар лауазымды тұлғаларды қызметінен босатты, деп хабарлады Ақорда.
Мемлекет басшысының өкімімен авиация генерал-майоры Руслан Қоңыров Әуе қорғанысы күштері Әскери-әуе күштерінің қолбасшысы қызметінен босатылды. Бұл лауазымға авиация генерал-майоры Асқар Ізбасов тағайындалды.
Сонымен қатар Президент Тоқаев Бақытбек Сыдықовты Қорғаныс министрінің орынбасары қызметінен босату туралы өкімге қол қойды. Генерал-майор Сыдықов 2023 жылдың ортасынан бері қару-жарақ пен әскери техниканы басқару саласына жетекшілік еткен.