"OLYMP" клиникалық-диагностикалық зертханашылары Қазақстанда маусымдық аллергияның жаңа толқыны басталғанын мәлімдеді, деп хабарлайды Qrnews.kz тілшісі 24kz-ке сілтеме жасап. Зертханашылардың дерегіне сүйенсек, әр бесінші қазақстандықтың аллериясы бар.
Қандай өсімдіктердің гүлденуі аллергиялық реакция тудырады? Өткен жылдың соңында "OLYMP"-ке осыны анықтау мақсатында 25 мыңнан астам адам жүгінген. Аллергендердің көбеюі Астана мен Алматы, сондай-ақ Ақтөбе, Қостанай және Шығыс Қазақстан облыстарында анықталды.
Зертханашылардың айтуынша, қайың, терек, жусан қазақстандықтардың аллергиясын жиі тудырады. Зерттеу нәтижелері көрсеткендей, ең көп аллергиямен ауыратындар Алматы, Астана және Ақтөбе қалаларында кездеседі.