Нью-Йорктағы Comex биржасындағы мәліметке сәйкес, маусым айындағы алтын фьючерстерінің құны 1,88%-ға өсіп, бір троя унциясы үшін 3301,4 долларға жетті. Бұл – осы айдағы үшінші рекордтық көрсеткіш. Бұған дейінгі ең жоғары баға 11 сәуірде тіркелген болатын – 3255,9 доллар.
Bloomberg агенттігі 2025 жылдың үшінші тоқсанында алтын бағасы 3,5 мың долларға дейін жетуі мүмкін деп болжады. Сарапшылардың айтуынша, бұл – алтынның қорғаныш актив ретіндегі рөлінің артуының белгісі.
Мамандар алтынның қымбаттауын жаһандық экономикалық белгісіздік пен инфляциялық тәуекелдердің күшеюімен байланыстырып отыр. Инвесторлар сенімді әрі ұзақмерзімді актив ретінде алтынға бет бұра бастады.