Алматы облысында 37 жастағы ер адам әйелін көлікпен қағып өлтірді деген күдікпен ұсталды. Бұл туралы Алматы облысының полиция департаменті хабарлады.
Ведомство мәліметінше, жол-көлік оқиғасы салдарынан әйел алған жарақаттарынан оқиға орнында көз жұмған. Қазіргі уақытта күдікті уақытша ұстау изоляторына қамалды.
Аталған дерек бойынша қылмыстық іс қозғалды. Полиция оқиғаның барлық мән-жайын анықтауға бағытталған тергеу амалдарын жүргізіп жатыр.
Істің барысы департамент басшылығының бақылауына алынған.