АҚШ-та жыл басынан бері 452 компания банкрот деп танылды. Бұған америкалық S&P Global Market Intelligence корпорациясының деректері дәлел.
Бұл – соңғы 4 жылдағы ең үлкен көрсеткіш. 2020 жылы 466 компания банкрот болған.
Бөлшек сауда, мұнай-газ өнеркәсібі, құрылыс және жылжымайтын мүлік саласында жұмыс істейтін кәсіпорындар көп зардап шекті.
АҚШ компанияларының алдында тұрған негізгі қиындықтар – жоғары пайыздық мөлшерлемелер мен геосаяси белгісіздік.