ҚР Мемлекеттік күзет қызметі елордада өтетін халықаралық саяси іс-шараларға байланысты көлік қозғалысына уақытша шектеулер енгізілетіні туралы хабарлайды.
Халықаралық іс-шаралар кестесі
Ағымдағы жылдың 20 сәуірі мен 24 сәуірі аралығында Астана қаласы бірқатар маңызды халықаралық форумдар мен мемлекеттік сапарларды қабылдайды:
• 20-23 сәуір: Моңғолия Президентінің Қазақстан Республикасына мемлекеттік сапары.
• 22-24 сәуір: RES2026 Өңірлік экологиялық саммиті. Шараға бірнеше мемлекеттің басшылары мен халықаралық ұйымдардың жетекшілері қатысады.
• 22 сәуір: Президент Қасым-Жомарт Тоқаевтың төрағалығымен Халықаралық Аралды құтқару қорының құрылтайшы мемлекеттері басшылары Кеңесінің отырысы.
Қауіпсіздікті қамтамасыз ету мақсатында қаланың жекелеген көшелері мен учаскелерінде көлік құралдарының қозғалысы кезең-кезеңімен шектелетін болады. Мемлекеттік күзет қызметі елорда тұрғындары мен қонақтарын өткізілетін іс-шараларға түсіністікпен қарауға және кептелістердің алдын алу үшін қозғалыс бағыттарын алдын ала жоспарлауға шақырады.