Ұлттық қауіпсіздік комитеті Қазақстан арқылы үшінші елдерге бағытталған халықаралық есірткі контрабандасы арнасын жою бойынша арнайы операция жүргізді.
Ведомствоның хабарлауынша, Алматыда республика тарихындағы ең ірі бір реттік есірткі партиясы – салмағы 13 тонна 183 килограмм кокаин тәркіленген.
«Бұл жүк Қазақстан аумағы арқылы транзитпен үшінші елдерге жөнелтілмек болған», – делінген ресми мәліметте.
Есірткі арнасын ұйымдастыруға қатысы бар деген күдікпен екі шетел азаматы ұсталып, қамауға алынды.
Қазір аталған дерек бойынша Қылмыстық кодекстің 297-бабы 3-бөлігі бойынша сотқа дейінгі тергеу жүріп жатыр.